ಹಸಿವೆಯೆಂದರೇ ಹೀಗೆಯಾ?
ಬೀದಿಯ ಜನರ ಓಡಾಟದ ಪರಿವೆ ಇಲ್ಲದೇ
ಕೊಳಕು ಸೀರೆಯಲ್ಲಿ ಸುತ್ತಿಕೊಂಡ
ಎಂಜಲನ್ನು ಗಬಗಬನೇ ನುಂಗುವುದು?
ಹಸಿವೆಯೆಂದರೇ ಹೀಗೆಯಾ?
ದುಡಿಯಲು, ಬೇಡಲು ಶಕ್ತಿಯಿಲ್ಲದ ಮುದುಕ
ಕೊಳಕು ಸೀರೆಯ ಹೆಂಗಸಿನ ಸೀರೆಯೋಳಗಣ
ಎಂಜಲ ಕಿತ್ತುಕೊಂಡು ತಾ ತಿನ್ನುವುದು?
ಹಸಿವೆಯೆಂದರೇ ಹೀಗೆಯಾ?
ತನ್ನೆಡೆಗೆ ಕೈಯಿಟ್ಟ
ನಿಶ್ಶಕ್ತ ಮುದುಕನ ಜಾಡಿಸುವುದು
ತಲೆಯೊಡೆದು ರಕ್ತ ಸುರಿಯುವಂತೆ
ಕಲ್ಲು ಹೊಡೆಯುವುದು?
ಹಸಿವೆಯೆಂದರೇ ಹೀಗೆಯಾ?
ತನ್ನ ತೆವಲಿನ ಹೆಂಗಸಿನ
ಸೆರಗು ಮುಟ್ಟಿದ ಮುದುಕನಿಗೆ
ಹರಿದ ಎಕ್ಕಡ ಕೈಗೆತ್ತಿಕೊಳ್ಳುವುದು?
ಹಸಿವೆಯೆಂದರೇ ಹೀಗೆಯಾ?
ಕತ್ತಲಿಗೆ ಕಾಯದೇ ಅರೆ ಸುತ್ತಿಕೊಂಡ ಸೀರೆಯ
ಬೀದಿಯಲ್ಲೇ ಬಿಚ್ಚಿ ಹಸಿದ ಗಂಡಸಿಗೆ
ಕೊಟ್ಟುಕೊಂಡು ಹಸಿವು ನೀಗಿಸಿಕೊಳ್ಳುವುದು?
ಹಸಿವೆಯೆಂದರೇ ಹೀಗೆಯಾ?
ತಲೆಯೊಡೆದು ಸೊರುತ್ತಿರುವ ರಕ್ತದ ಪರಿವಿಲ್ಲದೆ
ಬೀಳುತಿರುವ ಏಟಿನ ಕದಲಿಕೆಯಿಲ್ಲದೇ
ನಿರ್ಲಿಪ್ತವಾಗಿ ಎಂಜಲ ನೆಕ್ಕುತ್ತಿರುವುದು?
ಹಸಿವೆಯೆಂದರೇ ಇದೆಯಾ?!
ಒಂಟಿ ಬದುಕಿನ ಹೋರಾಟ..!
ಜಂಟಿ ಬದುಕಿಗಾಗಿ ಹೋರಾಟ..!
ಬೀದಿಯ ಜನರ ಓಡಾಟದ ಪರಿವೆ ಇಲ್ಲದೇ
ಕೊಳಕು ಸೀರೆಯಲ್ಲಿ ಸುತ್ತಿಕೊಂಡ
ಎಂಜಲನ್ನು ಗಬಗಬನೇ ನುಂಗುವುದು?
ಹಸಿವೆಯೆಂದರೇ ಹೀಗೆಯಾ?
ದುಡಿಯಲು, ಬೇಡಲು ಶಕ್ತಿಯಿಲ್ಲದ ಮುದುಕ
ಕೊಳಕು ಸೀರೆಯ ಹೆಂಗಸಿನ ಸೀರೆಯೋಳಗಣ
ಎಂಜಲ ಕಿತ್ತುಕೊಂಡು ತಾ ತಿನ್ನುವುದು?
ಹಸಿವೆಯೆಂದರೇ ಹೀಗೆಯಾ?
ತನ್ನೆಡೆಗೆ ಕೈಯಿಟ್ಟ
ನಿಶ್ಶಕ್ತ ಮುದುಕನ ಜಾಡಿಸುವುದು
ತಲೆಯೊಡೆದು ರಕ್ತ ಸುರಿಯುವಂತೆ
ಕಲ್ಲು ಹೊಡೆಯುವುದು?
ಹಸಿವೆಯೆಂದರೇ ಹೀಗೆಯಾ?
ತನ್ನ ತೆವಲಿನ ಹೆಂಗಸಿನ
ಸೆರಗು ಮುಟ್ಟಿದ ಮುದುಕನಿಗೆ
ಹರಿದ ಎಕ್ಕಡ ಕೈಗೆತ್ತಿಕೊಳ್ಳುವುದು?
ಹಸಿವೆಯೆಂದರೇ ಹೀಗೆಯಾ?
ಕತ್ತಲಿಗೆ ಕಾಯದೇ ಅರೆ ಸುತ್ತಿಕೊಂಡ ಸೀರೆಯ
ಬೀದಿಯಲ್ಲೇ ಬಿಚ್ಚಿ ಹಸಿದ ಗಂಡಸಿಗೆ
ಕೊಟ್ಟುಕೊಂಡು ಹಸಿವು ನೀಗಿಸಿಕೊಳ್ಳುವುದು?
ಹಸಿವೆಯೆಂದರೇ ಹೀಗೆಯಾ?
ತಲೆಯೊಡೆದು ಸೊರುತ್ತಿರುವ ರಕ್ತದ ಪರಿವಿಲ್ಲದೆ
ಬೀಳುತಿರುವ ಏಟಿನ ಕದಲಿಕೆಯಿಲ್ಲದೇ
ನಿರ್ಲಿಪ್ತವಾಗಿ ಎಂಜಲ ನೆಕ್ಕುತ್ತಿರುವುದು?
ಹಸಿವೆಯೆಂದರೇ ಇದೆಯಾ?!
ಒಂಟಿ ಬದುಕಿನ ಹೋರಾಟ..!
ಜಂಟಿ ಬದುಕಿಗಾಗಿ ಹೋರಾಟ..!
ಪ್ರೇರಣೆ:ಮೆಜೆಸ್ಟಿಕ್ ನ ಸ್ವಪ್ನ ಬುಕ್ ಹೌಸ್ ರೋಡಿನಲ್ಲಿ ಕಂಡ ಘಟನೆ.